Գլխավոր էջ » 2012 » Սեպտեմբեր » 21 » Սեպտեմբերի 21,21ամյա անկախ Հայաստան (Republic of Armenia)
16:07 Սեպտեմբերի 21,21ամյա անկախ Հայաստան (Republic of Armenia) | |
21 տարի առաջ Հայկական լեռնաշխարհի մի փոքրիկ հողակտորից ի լուր աշխարհի հնչեց.<<Ողջույն, իմ անւոնը Հայաստան է...>>: Այսօր հարցազրույց ունեցա մեր տոնի գլխավոր <<մեղավորի>>`հոբելյար Հայաստան Հանրապետությանի հետ:Նրան շատ հարցեր չտվեցի, քանի որ նա պատրաստվում է երեկոյան խնջույքին: Առաջին հարցը, որ հնչեցրի այն էր, թե արդյոք մեր շատ սիրելի Հայաստան Հանրապետությանը կամաց-կամաց պարծենկոտ չի դառնում նրանից, որ բոլորն իրեն շատ են սիրում: Նա պատասխանեց. <<Այսօր ես 21 տարեկան եմ, դեռ երիտասարդ եմ, ճիշտ է, բայց բոլորիցդ ծեր եմ: Ով եմ ես ու որտեղից եմ գալիս: Գալիս եմ ես այն ժամանակներից, որոնց մարդիկ <<մեր թվարկությունից առաջ>> են անվանում, գալիս եմ ես Նոյի, Տիգրանի, Արշակի ու Տրդատի երկրից, գալիս եմ, որ միասնին քայլենք դեպի առաջ: Մենք բոլորս միասին ենք անցել այս դարավոր ճանապարհը, և հենց ձեր շնորհիվ է, որ ես ,այսպես ասած, անմահ եմ: Այո, ինչ-որ տեղ ես պարծենկոտ եմ դարձել: Եվ ինչու չպարծենամ: Որ ծնողն իր սրտի խորքում թաքուն չի պարծենում իր զավակների շնորհքով, տաղանդով ու հաջողություններով:Եվ հիմա պատկերացրեք, ինչպես չպարծենամ, երբ Հայկ, Տիգրան, Լուսավորիչ, Արամ, Կոմիտաս, Խաչատուր, Սայաթ, Եղիշե, Պարույր, Հովհաննես, Սարյան ու Շարլ ունեմ: Եվ ի վերջո, ինչպես գլուխս վեր չպարզեմ, երբ լսում եմ Դրո, Չաուշ, Սերոբ, Վազգեն, Վարդան ու Մոնթե անունները: Ինչպես չպարծենամ իմ Պանթեոնով ու Եռաբլուրով: Բոլորն էլ իմ որդիքն են, բոլորը: Իմ ազգը, իմ զավակները շատ ցավ ու տառապանք են տեսել:Փառք Աստծո, որ այսօր քիչ հանգիստ կարողանում ենք շունչ քաշել>>: Վերջին հարցիս,թե ինչպես է նա տոնելու իր քսանմեկ ամյակը, Հայաստան Հանրապետությանը այսպես պատասխանեց. <<Գիտեք, հաճելի կլիներ այն տոնել նաև հարևաններիս`Վրաստանի, Իրանի, Թուրքիայի. Ադրբեջանի, հեռու բարեկամներիս`Ֆրանսիայի, Ռուսաստանի, Բրազիլիայի, Հնդկաստանի հետ, բայց միշտ նախընտրում եմ նման առիթներն անցկացնել ինձ համար իրոք սրտացավ մարդկանց հետ`հարազատներիս`բնակիչներիս հետ: Ի դեպ, քանի դեռ առիթը կա, թույլ տվեք բոլորին այսօր հրավիրել մի հարկի տակ իմ քսանմեկ ամյակը նշելու: Դուք էլ կգաք: Կհանդիպենք երեկոյան: Ես հյուրասրահում`ՀՀ հրապարակում կլինեմ: Չուշանաք, ես ժամացույցին հաճախ եմ նայում, այն միշտ ճիշտ է: Սիրով ձեր` Հայաստան Հանրապետության: Հ.Գ. Ասեմ նաև, որ մեր Հայաստանը շատ լավ համատեղել է այս տարվա թվերը`21 սեպտեմբերի, 21 տարեկան և այն էլ 21-րդ դարում:)))))
| |
|
Բոլոր մեկնաբանությունները: 1 | ||||||||||||||||||||||||||||||||||||||||||||||||||
կիսվիր լուրով Օրացույց
Տես նաև այստեղ Պահոց (արխիվ)
|